മു​ക്കം പോ​ലീ​സ് സ്റ്റേ​ഷ​ൻ പ​രി​ധി​യി​ൽ ഒ​രുമാ​സ​ത്തി​നി​ടെ നാ​ല് മോ​ഷ​ണം

Rashtra Deepika

മു​ക്കം: മു​ക്കം പോ​ലീ​സ് സ്റ്റേ​ഷ​ൻ പ​രി​ധി​യി​ൽ മോ​ഷ്ടാ​ക്ക​ൾ വി​ല​സു​മ്പോ​ൾ ഇ​രു​ട്ടി​ൽ ത​പ്പി പോ​ലീ​സ്. എ​സ്ഐ​യു​ടെ താ​മ​സ​സ്ഥ​ല​ത്ത​ട​ക്കം മോ​ഷ​ണം ന​ട​ത്തി​യി​ട്ടും പ്ര​തി​യെ പി​ടി​കൂ​ടാ​നാ​യി​ട്ടി​ല്ല.

കാ​ര​ശേ​രി ഗ്രാ​മ​പ​ഞ്ചാ​യ​ത്തി​ലെ നെ​ല്ലി​ക്കാ​പ​റ​മ്പി​ൽ ഒ​രു മാ​സ​ത്തി​നി​ടെ നാ​ല് മോ​ഷ​ണ​ങ്ങ​ളും ര​ണ്ട് മോ​ഷ​ണ​ശ്ര​മ​ങ്ങ​ളു​മാ​ണ് ന​ട​ന്ന​ത്. ഇ​ന്ന​ലെ പു​ല​ർ​ച്ചെ വീ​ട്ടി​ൽ ഉ​റ​ങ്ങി കി​ട​ന്ന സ്ത്രീ​യു​ടെ ക​ഴു​ത്തി​ലെ ര​ണ്ട് പ​വ​ന്‍റെ മാ​ല മോ​ഷ​ണം പോ​യ​താ​ണ് ഏ​റ്റ​വും ഒ​ടു​വി​ല​ത്തെ സം​ഭ​വം. നെ​ല്ലി​ക്കാ​പ​റ​മ്പ് അ​ങ്ങാ​ടി​ക്ക് സ​മീ​പം ചേ​ല​ക്കോ​ട​ൻ ഷം​സു​ദ്ധീ​ന്‍റെ വീ​ട്ടി​ലാ​ണ് ഇ​ന്ന​ലെ പു​ല​ർ​ച്ചെ മോ​ഷ​ണം ന​ട​ന്ന​ത്‌.

ഷം​സു​ദ്ധീ​ന്‍റെ മ​ക​ൾ അ​ഫ്‌​സാ​ന​യു​ടെ ക​ഴു​ത്തി​ലെ ര​ണ്ടു പ​വ​ന്‍റെ മാ​ല മോ​ഷ​ണം പോ​വു​ക​യാ​യി​രു​ന്നു. വീ​ട്ടി​ലെ ചെ​റി​യ കു​ട്ടി​യു​ടെ ക​ഴു​ത്തി​ലെ മാ​ല​യും മോ​ഷ​ണം പോ​യെ​ങ്കി​ലും ഇ​ത് സ്വ​ർ​ണ​മ​ല്ല. പ​തി​വു​പോ​ലെ മു​ക്കം പോ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണ​മാ​രം​ഭി​ച്ച​ങ്കി​ലും നാ​ട്ടു​കാ​ർ​ക്ക് വ​ലി​യ പ്ര​തീ​ക്ഷ​യൊ​ന്നു​മി​ല്ല. ഈ ​വീ​ട്ടി​ൽ ഇ​ന്ന​ലെ നി​ക്കാ​ഹ് ന​ട​ക്കു​ന്ന​ത​റി​ഞ്ഞ് എ​ത്തി​യ ആ​ളാ​ണോ മോ​ഷ്ടാ​വെ​ന്നും നാ​ട്ടു​കാ​ർ​ക്ക് സം​ശ​യ​മു​ണ്ട്.

ഇ​ക്ക​ഴി​ഞ്ഞ ഏ​പ്രി​ൽ 14 ന് ​പു​ല​ർ​ച്ചെ​യാ​ണ് നെ​ല്ലി​ക്കാ​പ​റ​മ്പ് എ​യ​ർ​പോ​ർ​ട്ട് റോ​ഡ​രി​കി​ലെ നെ​ടു​ങ്ങാ​ട്ട് ജോ​സി​ന്‍റെ വീ​ട്ടി​ൽ മോ​ഷ​ണം ന​ട​ന്ന​ത്. വീ​ട്ടി​ൽ ആ​ളി​ല്ലാ​ത്ത സ​മ​യ​ത്ത് വീ​ടി​ന്‍റെ വാ​തി​ൽ ത​ക​ർ​ത്ത് അ​ക​ത്ത് ക​ട​ക്കു​ക​യാ​യി​രു​ന്നു.

തൊ​ട്ട​ടു​ത്ത ദി​വ​സ​ങ്ങ​ളി​ൽ എ​യ​ർ​പോ​ർ​ട്ട് റോ​ഡ് ജം​ഗ്ഷ​നി​ലെ ഫ്രൂ​ട്സ് ക​ട​യി​ലും പു​ളി​ക്ക​ൽ കു​ട്ടി​മാ​ന്‍റെ വീ​ട്ടി​ൽ നി​ന്ന് നാ​ളി​കേ​ര​വും മോ​ഷ​ണം പോ​യി. നെ​ല്ലി​ക്കാ​പ​റ​മ്പ് സ്വ​ദേ​ശി ഷം​സു​ദ്ധീ​ന്‍റെ വീ​ട്ടി​ൽ നി​ന്ന് ര​ണ്ട് പ​വ​ൻ മോ​ഷ​ണം പോ​യ​ത് ക​ഴി​ഞ്ഞ ആ​ഴ്ച​യാ​ണ്. തൊ​ട്ട​ടു​ത്ത വീ​ട്ടി​ൽ മോ​ഷ​ണ​ശ്ര​മ​വും ന​ട​ന്നു.

മേ​യ് ഒ​ന്നി​ന് പു​ല​ർ​ച്ചെ താ​ള​ത്തി​ൽ ഹാ​രി​സി​ന്‍റെ വീ​ട്ടി​ൽ മോ​ഷ​ണ​ശ്ര​മ​വും ന​ട​ന്നു. മു​ക്കം എ​സ്ഐ​യു​ടെ താ​മ​സ സ്ഥ​ല​ത്ത് ഏ​പ്രി​ൽ 24ന് ​ഉ​ച്ച​യ്ക്ക് മോ​ഷ​ണം ന​ട​ത്തി​യ ഒ​രാ​ളെ പി​ടി​കൂ​ടി​യി​ട്ടും കൂ​ട്ടു​പ്ര​തി​ക​ളെ പി​ടി​കൂ​ടാ​നാ​വാ​ത്ത​ത് പോ​ലീ​സി​ന് നാ​ണ​ക്കേ​ടാ​യി​ട്ടു​ണ്ട്. നെ​ല്ലി​ക്കാ​പ​റ​മ്പ് ഭാ​ഗ​ങ്ങ​ളി​ൽ മോ​ഷ​ണം പ​തി​വാ​യി​ട്ടും പോ​ലീ​സ് പെ​ട്രോ​ളിം​ഗ് പോ​ലും കാ​ര്യ​ക്ഷ​മ​മ​ല്ല​ന്ന് നാ​ട്ടു​കാ​ർ പ​റ​യു​ന്നു.

Related posts

Leave a Comment